2026/04/18
२०८०-०५-१८
काठमाडौँ, १८ भदौ
एसिया कप क्रिकेट प्रतियोगिताअन्तर्गत भारतविरुद्धको खेलमा सुरुआती ब्याट्सम्यान आशिफ शेखले अर्धशतक बनाएका छन् ।
श्रीलङ्काको पालेकेले इन्टरनेशल क्रिकेट रङ्गशालामा अहिले भइरहेको खेलमा आशिफले ८८ बलमा सात चौकाको मद्दतमा ५० रन बनाएका हुन् ।
एसिया कप क्रिकेट प्रतियोगिता अन्तर्गत भारतविरुद्ध आशिफले २७.२ ओभरमा अर्धशतक पूरा गरेका हुन् । आशिफले ८८ बलमा ७ चौका हाने ।
वान डे क्रिकेटमा आशिफको यो दशौं अर्धशतक हो, आशिफले ओडीआईमा सर्वाधिक १ सय १० रन हानेका छन् । उनी भारतविरुद्ध ९७ बलमा ५८ रन बनाउँदै आउट भए ।
भारतविरुद्ध अर्धशतक हान्ने आशिफ पहिलो खेलाडी हुन्। सिनियर क्रिकेटमा नेपाल र भारत पहिलो पटक आमनेसामने भएका हुन् ।
पहिलो विकेटका लागि आशिफ शेख र कुशल मल्लले ९.५ ओभरमा ६५ रनको साझेदारी गर्दै नेपाललाई उत्कृष्ट सुरुवात दिलाएका थिए।
नेपालले २८ ओभरको समाप्तीमा ४ विकेट गुमाउँदै अहिले ११९ रन बनाएर खेलिरहेको छ। क्रिजमा आशिफ ५० र गुलसन झा ८ रनमा नटआउट छन्।
टस हारेर पहिले ब्याटिङ थालेको नेपालले ३१ ओभरमा ५ विकेट गुमाउँदै १४४ रनको योगफल बनाउँदै खेलिरहेको छ ।
