2026/08/25
२०८०-११-०१
पाल्पामा जिप दुर्घटना भएकाे छ । तिनाउ गाउँपालिका–६, मस्यामको चिदिसमा मंगलबार भएको दुर्घटनामा परी कम्तीमा सातजनाको मृत्यु भएको छ ।
सिद्धार्थ राजमार्गको डुम्रेबाट चिदिस जाँदै गरेको लु१ज २३७१ नम्बरको जिप डुम्रे र चिदिसको बीच भागमा दुर्घटना भएको हो । दुर्घटनामा आठजना घाइते भएकाे प्रहरीले जनाएकाे छ ।
मृत्यु हुने तथा घाइते हुनेहरु सबै स्थानीय चिदिस गाउँका हुन् । मृतक र घाइतेको पहिचान खुलिसकेको छैन ।
घटनास्थलमा प्रहरी चौकी प्रभासको टोली र स्थानीयले घाइतेहरुलाई लुम्बिनी मेडिकल कलेज प्रभासमा लगिएको छ ।
